An kadolom han kagab-ihon naghahadi pa gihapon.

 

                    Temprano pa ka-opay ha kalibotan

 

                    Kay maski ngani an kalangitan

 

                              indadako pa aniya kabiton-an

 

                    Ngan an kada bitoon masanag  sogad han adlaw.

 

                    Ngan kon pababay-an la an kalibotan

 

                    Makatorog hasta ngadto han katapos han semana

 

                    Nga  ginlalaylay han baraan nga mga karantahon.

 

 

 

                    An kadolom han kagab-ihon naghahadi pa gihapon.

 

                    An takna han Paghimo sogad pa hin katemprano

 

                    Nga an plasa daw waray tobtoban

 

                    Tikang ha osa nga kanto ngadto hin osa  pa

 

                    Ngan may sogad pa hin kama-iha nga panahon

 

                    Ngada hiton pagsirang han adlaw.

 

 

 

                    Sogad hin katangkod an kalibotan:

 

                    Nga waray ngani maski ano nga igtahob kon gab-I,

 

                    Igbagting han nga lingganay og ig-aringasa

 

                    Han iya kalogaringan nga may magkakanta.

 

                    Tikang  han Huwebes Santo hasta ngadto

 

                    Han ddisperas han Domingo an tobig ha kasalogan

 

                    Sogad pagnginatngata an tona og sogas an pagpahotpahot

 

                    Han ira mga salog og borobohawi.

 

 

 

                    Og an kagorangan sogad hin kawaray tahob

 

                    Ngan hasta ngadto han tobtoban han mahal nga semana

 

                    An maga kakahoyan sogad an ira panakdaw

 

                    Hin mga manirimba nga namamagpinangadi.

 

 

 

                    Ngan didto nga bongto nga di gud harayo

 

                    Sogad man an mga kahoy

 

                    Nga daw mamamagkasolod ha simbahan

 

                    Kay sogad an ira pamagkinita.

 

 

 

                    Daw ha pagkita sogad an panhipa-osa

 

                    Og an ira karigomok di gud mahisabtan:

 

                    Ngan an mga hardin sogad an pagsaramok,

 

                    An kalibotan liwat nagogomok

 

                    Kay may diyos nga iginlolobong.

 

 

 

                    Hinkikit-an nira an lambrag ha may altar.

 

                    Og an itom nga tahob ngan han mga kandila

 

                    Og  luhaan nga mga bayhon.

 

                    Osa nga prosesyon an nagawas

 

                    Nga gindadara an Krus ngan han Tahob

 

                    Og ha ira nadara-on.

 

                    Doha nga kahoy ha may portahan naisol

 

                    Ngan pinaaagi an prosesyon.

 

 

 

                    Nalibot iton ha ligid han simbahan

 

                    Ngan ginbabaybay an semento nga dalan

 

                    Og gindadara tikang ha kadalanan ngadto ha solod han simbahan

 

                    An Katbokad og  an iya kadam-an nga tingog

 

                    Ngan han hangin nga may alimyon hin sagrado nga  tinapay

 

                    Og iba pa nga mga hamot han Katbokad.

 

 

 

                    Ngan an Marao ginpoporot an yelo ha may hagdanan

 

                    Ngan ipinananabrag nga daw limos ha mga kablas.

 

                    Sogad hin osa nga tawo nga gindadara an Baloto

 

                    Ngan ipinanhahatag an solod hito.

 

 

 

                    Kaagahon na han mahoman an karanta.

 

                    Og an mga boses di na gud sogad hin kamakosog,  An pagkanta

 

                              han mga baraan nga mga karantahon

 

 

                    Tikagoti ngan nagtitikahirayo

 

                    Hasta nga masangpot hin hagrayo nga mga logar.

 

 

 

                    Ngan pagdara-on han katotnga han gab-i

 

                    An ngatanan magmimingaw ngan pamamati-an an matood nga

 

                              soromatanon  nga pag-abot han takna

 

                    An Kamatayan han Resuriksyon.